今日你同我天各一方
你有你既生活
我繼續我既忙碌
但係假如有一日
我地真係係路上偶然咁撞到既話
我地會點下頭, 問候一下
然後已經唔知講乜野好
因為你會發現我已經改變左
正如我可能唔再認識你
但係咁其實又有乜關係
我只係知道係呢剎那
我係幾咁想念你
其實乜野先至係真實而恆久既呢
或者我應該就咁保存住呢一份希冀同渴望
俾我相信世上有一幸福係垂手可得
但係永遠係掌握之外
有時激情捉係手裏面會化為灰燼
反而藏係心裏面可以歷久常新
貪求思慕只因痴
一切眼淚思憶都係徒然
阿寶係全運會攞左佢第三面既個人公路賽金牌，個人公路？公路點可以屬於個人？公路話明有個「公」字，梗係屬於阿公，尤其係香港，單車想係公路上面練習，唔該行埋一邊。因為若果揸住架單車係公路上面正正宗宗咁行走，尤其係香港，踩住架單車既你就必須要戴定耳塞，因為後面個D以為條公路只係屬於佢自己既汽車司機，就會不停向住你響安、甚至係爆粗，隨時搞到你嘈爆個耳膜。但係咁樣俾人「boo」法、俾人爆粗法都好，一定可以訓練到依位運動員刀槍不入既性格——捱得！
公路係屬於阿公既，咁但係從來都唔屬於單車，尤其係香港啊，若果唔係，點解個D單車一上公路就要自己挨埋一邊？嗱，相對車黎講，單車行得慢，咁免得阻住地球轉，大家又咁趕時間，秒秒幾廿萬上落嘛，所以慢既車咪俾人「boo」咯，即係話，再慢D既單車梗係俾人「boo」兩次或者以上，有咩咁奇，弱肉強食係咪？咁但係留意喎，咁「boo」法，自然就可以訓練到依一位運動員既鬥心。
由於公路係屬於阿公，咁條路既質地自不然係粗D。咁再加埋香港地個D公路，下，唔知點解，日要掘夜又掘，掘完之後，重鋪既手工直頭好似小朋友玩泥膠咁樣，總之就係鋪到成個地又凹又凸。單車一踩上去公路就可以當爬山單車咁練法，直頭係男高音轉唱男中音一樣，踩踩下公路車咪轉左、變左依一個爬山車，依一個安排簡直係一流，一舉兩得，香港既鄰近國家都揾唔到依D配套。係咁既環境底下，絕對可以培養到一位運動員既好素質出黎。
啊，真係差D漏左提提，香港既空氣污染指數就係因為佢咁高，再加埋公路上面個D黑煙車，捉極都有，噴黎噴去，係咁既環境長大既運動員，就算第時聞到沙林毒氣都唔驚毒死，可能會精神過舊陣時。咁佢第時去到世界各地比賽，踩邊條公路賽道都到好，乜都可以聞，咁樣一定會比其他對手係更加優勝。世界單車冠軍岩士唐若果係香港出世，香港咁既環境長大兼訓練，今日佢既成就應該會更加高。嗱，見到單車就「boo」佢走，D路又鋪得差，空氣又烏濁既城市，都能夠有位咁偉大既單車手黃金寶出現，可以被列入依一個世界十大奇景之一。
最後送上首edison的"香港地",應o下景先....哈哈!!!
