香港新浪網 MySinaBlog
« 上一篇 |
遊戲人生 | 23rd Feb 2015, 02:57 AM | 情感 | (21 Reads)

單車男37歲啦,身邊好多朋友早已成家立室,那位曾經深愛的遠方的她,早已是兩個孩子的母親....!而我卻依然孤單一人,有時望著身邊年邁的家母,始終覺得很對不起她老人家,我呢個不孝仔俾唔到佢安逸的生活,仲要佢老人家時時為我擔心!
父親在20年前已去逝,家中沒有兄弟姊妹,所以17歲已出來工作,靠12年的夜校(IVE)生涯由中三技工課程讀到高級文憑畢業.
年少時總以為人在旅途,路在腳下,只要努力向前總會有出頭天....!但現實卻與理想往往差好遠,好遠......!
6年前的某天,有個女仔問單車男:如果有一天我願意嫁俾你,你可以俾到咩承諾我呢?
單車男就同個女仔講:我俾唔到妳一個似樣的婚禮,因為我只夠錢帶妳去臺灣踩單車環島結婚!我也俾唔到妳一個安逸的生活,妳要同我一齊住公屋照顧年邁的家母!我更不能給妳衣食無忧, 因為我收入有限, 妳可能要同我一起捱……!但我唯一可以承諾的就係:妳若不離,我定不棄!在妳生命中的每一天都會好好對妳,直到我生命的最後一刻! ⋯⋯
......個女仔好快就嫁左第二個!
呢個世界好現實,沒有面包又何來愛情???
但這條孤獨人生路我總要一個人自己走下去……
單車男不奢望別人施捨的愛情,
我就是我, 依然是一個堅強如頑石的單車男!
前方是絕路, 希望在拐角……!!!